బిహార్‌లో సీఎం కేసీఆర్ ఆర్థికసాయంపై రేవంత్ రెడ్డి ఫైర్

దిశ, డైనమిక్ బ్యూరో : సీఎం కేసీఆర్ బిహార్ పర్యటనపై టీపీసీసీ చీఫ్ రేవంత్ రెడ్డి ఆగ్రహం వ్యక్తం చేశారు. బిహార్ వరకు వెళ్లి అమర జవాన్లకు సీఎం కేసీఆర్ ఆర్ధిక సాయం అందించారు. కానీ, ఉమ్మడి మహబూబ్ నగర్ జిల్లా కొండారెడ్డిపల్లికి చెందిన యాదయ్య అనే జవాన్ 2013లో చనిపోతే ఆ కుటుంబాన్ని మాత్రం ముఖ్యమంత్రి యాది మరిచారని విమర్శించారు. యాదయ్య భార్యకు ఉద్యోగం ఇవ్వలేదని, రాష్ట్రంలో ఉన్న ప్రజలను ఆదుకోకుండా పక్క రాష్ట్ర ప్రజలకు మాత్రం సాయం అందించడానికి వెళ్లారంటూ తీవ్ర విమర్శలు చేశారు. 'ఆయనది రాజ్యాధికార విస్తరణ కాంక్షా... ?! లేక అమర జవాన్ల కుటుంబాల పట్ల సానుభూతా...?! అంటూ ప్రశ్నించారు. దీని గురించి సమాజం ఆలోచించాలని రేవంత్ రెడ్డి ట్వీట్ చేశారు.

Also Read: ఈయన... మన కేసీఆరేనా..?