ఈ ఎన్నికల్లో మోడీ గ్యారంటీకి వారంటీ అయిపోయింది: రేవంత్ రెడ్డి

దిశ, వెబ్‌డెస్క్: తెలంగాణ ముఖ్యమంత్రి రేవంత్ రెడ్డి.. ప్రధాని మోడీకి స్ట్రాంగ్ కౌంటర్ ఇచ్చారు. ఢిల్లీలో సీడబ్లూసీ సమావేశంలో పాల్గొనేందుకు వెళ్లిన రేవంత్ జాతీయ మీడియాతో మాట్లాడుతూ.. ఉత్తరప్రదేశ్, మహారాష్ట్రలో బీజేపీ గవర్నమెంట్ ఉంది కానీ పార్లమెంట్ ఎన్నికల్లో ప్రజలు కాంగ్రెస్ పార్టీకి మెజారిటీ ఇచ్చారన్నారు. ఈ ఎన్నికల్లో మోడీ గ్యారంటీకి వారంటీ అయిపోయిందని రేవంత్ రెడ్డి హేళన చేశారు. తెలంగాణ, కర్ణాటకలో కాంగ్రెస్ ప్రభుత్వం ఇటీవల ఏర్పాటు అయిందని కానీ అనతికాలంలోనే రెండు రాష్ట్రాల్లో ప్రభుత్వాలు ప్రజల విశ్వాసాన్ని కోల్పోయాయని నరేంద్ర మోడీ చేసిన వ్యాఖ్యలపై రేవంత్ స్ట్రాంగ్ కౌంటర్ ఇచ్చారు. మహారాష్ట్ర, యూపీలో అధికారంలో ఉన్నా.. ఎంపీ ఎన్నికల్లో అక్కడ ప్రజలు బీజేపీని ఆదరించలేదన్నారు.