ఖమ్మం సభలో సమర శంఖం.. ప్రత్యేక హెలికాప్టర్‌లో జనగర్జనకు రాహుల్‌గాంధీ

దిశ,వెబ్‌డెస్క్: రేపు ఖమ్మంలో నిర్వహించే భారీ భహిరంగ సభకు రాహుల్ గాంధీ రానున్నారు. గన్నవరం నుంచి ప్రత్యేక హెలికాప్టర్ ద్వారా రేపు సాయంత్రం 5 గంటలకు ఆయన ఖమ్మం సభకు చేరుకోనున్నారు. సభ అనంతరం రోడ్డు మార్గాన తిరిగి గన్నవరానికి రాహుల్ గాంధీ చేరుకుంటారు.

ఖమ్మంలో నిర్వహించనున్న జనగర్జన బహిరంగ సభను కాంగ్రెస్ ప్రతిష్ఠాత్మకంగా తీసుకుంటోంది. ఆదివారం రోజున జరగనున్న ఈ సభకు రాహుల్‌ గాంధీ హాజరుకానున్నారు. ఈ క్రమంలో ఈ సభకు.. భారీగా జనసమీకరణ లక్ష్యంగా హస్తం పార్టీ చర్యలు చేపట్టింది. మరో నాలుగైదు నెలల్లోనే ఎన్నికలు ఉన్నందున ఖమ్మం బహిరంగ సభను విజయవంతం చేసి సత్తా చాటుకోవాలని ప్రయత్రిస్తోంది. వచ్చే ఎన్నికలకు శంఖారావం పూరించేలా కార్యాచరణ రూపొందిస్తోంది.