Group 3: గ్రూప్-3 క్వశ్చన్ పేపర్లో సినిమాలపై ప్రశ్నలు.. సమాధానాలు మీకు తెలుసా ?

దిశ, వెబ్ డెస్క్: తెలంగాణలో గ్రూప్ -3 పరీక్షలు (Group-3 Exams) ప్రారంభమయ్యాయి. ఆదివారం ఉదయం 10 గంటల నుంచి మధ్యాహ్నం 12.30 గంటల వరకూ పేపర్ -1 (Group-3 Paper 1) పరీక్ష పూర్తయింది. మధ్యాహ్నం 3 గంటల నుంచి సాయంత్రం 5.30 గంటల వరకూ పేపర్ -2 పరీక్ష ఉంటుంది. అలాగే రేపు ఉదయం, మధ్యాహ్నం కూడా గ్రూప్ - 3 పరీక్షలు జరుగుతాయి. 1365 పోస్టులకు గాను.. 5.36 లక్షల మంది అభ్యర్థులు ఈ పరీక్షలు రాయనున్నారు. కాగా.. పేపర్ -1 ప్రశ్నాపత్రంలో సినిమాలకు సంబంధించిన ప్రశ్నలు అడిగారు.

1. 2024లో ప్రకటించిన 70వ జాతీయ చలనచిత్ర అవార్డుల్లో 2022 సంవత్సరానికి గాను ఉత్తమ డాక్యుమెంటరీ అవార్డు పొందినది ఏది ?

A) బ్రహ్మాస్త్ర

B) కాంతార

C) ముర్ ముర్స్ ఆఫ్ ది జంగల్

D) ఆట్టం

2. ఆస్కార్ అవార్డు 2024కి నామినేట్ అయిన డాక్యుమెంటరీ చలనచిత్రం టు కిల్ ఎ టైగర్ దర్శకుడు ఎవరు ?

A) కార్తికి గొన్సాల్వ్స్

B) నిషా పహుజా

C) ఆర్. మహదేవన్

D) నిఖిల్ మహాజన్

ఈ రెండు ప్రశ్నలకు మీకు సమాధానాలు తెలుసా ? మొదటి ప్రశ్నకు సమాధానం ఆట్టం. 2024లో రిలీజైనప్పటికీ 2022లోనే ఈ సినిమా సెన్సార్ పూర్తి చేసుకుంది. రెండో ప్రశ్న జవాబు.. నిషా పహుజా. రంజిత్ అనే రైతు 13 ఏళ్ల కూతురు సామూహిక అత్యాచారానికి గురైన కేసుపై తీసిన సినిమా ఇది.