అలర్ట్: PG ఈసెట్ నోటిఫికేషన్ షెడ్యూల్ విడుదల

దిశ, డైనమిక్ బ్యూరో: 2023-24 విద్యా సంవత్సరానికి గాను ఎంటెక్, ఎం ఫార్మసీ, ఆర్కిటెక్చర్ తదితర కోర్సుల్లో ప్రవేశాలకు నిర్వహించే పోస్ట్ గ్రాడ్యుయేట్ ఇంజినీరింగ్ కామన్ ఎంట్రెన్స్ టెస్ట్ (పీజీ ఈసెట్) నోటిఫికేషన్ షెడ్యూల్‌ను తెలంగాణ ఉన్నత విద్యామండలి శుక్రవారం విడుదల చేసింది. ఫిబ్రవరి 28న నోటిఫికేషన్ విడుదల చేయనున్నట్లు ప్రకటించింది.

మార్చి 3వ తేదీ నుండి ఆన్లైన్ దరఖాస్తుల స్వీకరణ ప్రారంభం అవుతుంది. ఆలస్య రుసుము లేకుండా ఏప్రిల్ 30 వరకు అప్లికేషన్లు స్వీకరించనున్నారు. లేట్ ఫీజుతో 24 మే వరకు దరఖాస్తులు స్వీకరించనున్నారు. మే 21 నుంచి హాల్ టికెట్లు డౌన్ లోడ్ చేసుకునే అవకాశం ఉంటుంది. 29 మే నుంచి జూన్ 1వ తేదీ వరకు పరీక్షలు జరగుతాయని టీఎస్ పీజీ ఈసెట్ కన్వీనర్ పేర్కొన్నారు.