Attack on Police: పోలీసులపై గంజాయి గ్యాంగ్ దాడి.. బీర్ బాటిల్‌తో కొట్టడంతో ఎస్‌ఐకి తీవ్ర గాయాలు
దిశ, వెబ్‌డెస్క్: పోలీసులపై అర్ధరాత్రి సమయంలో గంజాయి గ్యాంగ్ దాడికి తెగబడింది. బీర్ బాటిళ్లతో ఎటాక్ చేయడంతో ఓ ఎస్‌పై తలపై బలమైన గాయమైంది. ఈ ఘటన హైదరాబద్‌ నగరంలోని హబీబ్ నగర్ పోలీస్ స్టేషన్ పరిధిలో జరిగింది. గంజాయి విక్రయిస్తున్నారనే సమాచారంతో మంగళవారం రాత్రి నార్కోటిక్ అధికారులు సీఐ దీపక్, సీఐ రాజశేఖర్‌‌లు స్థానిక ఎస్ఐ శివకుమార్‌తో పాటు కొందరు కానిస్టేబుళ్లను తీసుకుని హబీబ్ నగర్‌‌లోని మాంగర్ బస్తీకి చేరుకున్నారు. అయితే పోలీసులు రావడాన్ని గమనించిన పాత నేరస్తుడు, గంజాయి వ్యాపారి కంబ్లీ దీపక్ అక్కడి నుంచి పారిపోవడానికి ప్రయత్నించాడు. దీంతో అతడిని పట్టుకునేందుకు పోలీసులు వెంటపడి పట్టుకున్నారు. ఈ క్రమంలోనే అతడి సోదరుడు అరుణ్‌‌తో పాటు దాదాపు 100 మంది స్థానిక బస్తీవాసులు పోలీసులపై దాడికి తెగబడ్డారు.
ఈ దాడిలో దుండగులు ఎస్ఐ శివకుమార్ తలపై బీర్ బాటిల్‌తో దాడి చేయడంతో ఆయనకు ఇంటర్నల్‌గా గాయమైనట్లు పోలీసులు చెబుతున్నారు. ఎస్ఐ శివకుమార్ రెండు తులాల చైన్ కూడా పోయినట్లు ఫిర్యాదులో పేర్కొన్నారు. అలాగే ఉన్నతాధికారుల ఆదేశాల మేరకే ఈ స్పెషల్ రైడ్‌కు వెళ్లినట్లు చెబుతున్న పోలీసులు.. ప్రస్తుతానికి కంబ్లీ దీపక్, అతని సోదరుడు అరుణ్ పరారీలో ఉన్నారని తెలిపారు.