తిరుమలగిరిలో బస్ డిపో సాధన కోసం నిరాహార దీక్ష..

దిశ, తిరుమలగిరి : తిరుమలగిరి మండల కేంద్రంలో బస్ డిపో ఏర్పాటు చేయాలని ఆదివారం సబ్బండ కులాల రిలే నిరాహార దీక్ష నిర్వహించారు. ఈ దీక్ష కార్యక్రమంలో భాగస్వాములైన బస్ డిపో సాధన కమిటీ కన్వీనర్ కడెం లింగయ్య మాట్లాడుతూ తిరుమలగిరిలో బస్ డిపో ఏర్పాటు చేయాలని కోరారు. అందుకు డిపో నిర్మాణానికి అవసరమైన భూమి ఇవ్వడానికి కొంతమంది దాతలు ముందుకు వచ్చినప్పటికీ బస్ డిపో ఏర్పాటు కోసం గత కొంతకాలంగా ఇక్కడ అనేక ప్రజా ఉద్యమాలు, పోరాటాలు చేస్తున్నప్పటికీ ప్రభుత్వం ఇక్కడి ప్రజల ఆకాంక్షను గుర్తించడంలో పక్షపాతం వహిస్తున్నారని తెలిపారు.

తిరుమలగిరిలో బస్ డిపో ఏర్పాటు చేయాలని ఇప్పటికే ఈ ప్రాంత శాసనసభ్యులకు జిల్లా మంత్రులకు ఆర్టీసీ అధికారులకు సంబంధిత శాఖ మంత్రులకు విజ్ఞాపనలు చేశారని అన్నారు. ఈ ప్రాంత ప్రజల చిరకాల ఆకాంక్ష అయిన బస్ డిపో నిర్మాణం మీద వెంటనే ప్రభుత్వం నిర్ణయం తీసుకోవాలని తెలిపారు. ఈ ఉద్యమాన్ని బస్ డిపో ఏర్పాటు చేసేంత వరకు మండలంలోని సబ్బండ వర్గాల ప్రజలను, అన్ని రాజకీయ పార్టీలను, ప్రజా సంఘాలను, యువజన సంఘాలను, స్వచ్ఛంద సంస్థలను, కలుపుకొని పోయి తిరుమలగిరిలో బస్ డిపో ఏర్పాటు అయ్యేంత వరకు పెద్దఎత్తున ప్రజా ఉద్యమాన్ని చేపడతామని తెలిపారు. ప్రభుత్వం వెంటనే పునరాలోచించుకొని తిరుమలగిరిలో ఆర్టీసీ అధికారులు ప్రత్యేక చొరవ తీసుకొని వెంటనే బస్ డిపో ఏర్పాటు చేయాలని కోరారు. ఈ ఉద్యమం ఇంతటితో ఆగదని ఉద్యమాన్ని ఇంకా ముందుకు కొనసాగించడానికి అవసరమైన ఉద్యమ ప్రత్యేక కార్యాచరణ రూపొందించుకొని మండల వ్యాప్తంగా ఒక బలమైన ప్రజా ఉద్యమాన్ని ఏర్పాటు చేసి డిపో సాధించేంత వరకు కూడా పెద్ద ఎత్తున ఆందోళన కార్యక్రమాలు చేపడతామని తెలిపారు.

ఈ సబ్బండ కులాల నిరాహార దీక్షలో బీఆర్ఎస్ మండల పార్టీ అధ్యక్షులు సంకేపల్లి రఘునందన్ రెడ్డి, మాజీ ఎంపీపీ కొమ్మినేని సతీష్, మాజీ సర్పంచ్ కందుకూరి సోమయ్య, ఎస్.కె పాషా, డిపో సాధన కమిటీ నాయకులు, బీజేపీ పార్టీ జిల్లా నాయకులు ధీనదయాళ్, బీసీ సంక్షేమ సంఘం రాష్ట్ర ఉపాధ్యక్షులు తన్నీరు రాంప్రభు, ఎమ్మార్పీఎస్ ఉమ్మడి జిల్లా అధ్యక్షులు కందుకూరి సోమన్న మాదిగ, గఫార్ ఖాన్, సీపీఎం జిల్లా నాయకులు కే యాదగిరి రావు, పోరెల్ల లక్ష్మయ్య, మాల మహానాడు తిరుమలగిరి మండల అధ్యక్షులు గంట సందీప్, బీసీ సంక్షేమ సంఘం జిల్లా కార్యదర్శి వంగరి బ్రహ్మం, గంట లక్ష్మణ్, గంట సందీప్, ముద్రంగుల యాదగిరి, కొండ సోమయ్య, పాలబిందెల వీరయ్య, పానగంటి శీను, తోపుడుబండ్ల సంఘం అధ్యక్షులు దాసరి ప్రకాష్, ఎండీ షకిల్, మిట్టపల్లి లక్ష్మి, వేల్పుల లింగయ్య, చిలకల రమేష్, పోతరాజు వెంకటయ్య, మల్లయ్య, ప్రకాష్, రామ్మూర్తి గౌడ్, బుచ్చిమల్లు, ప్రవీణ్ సుభాష్, శేఖర్ తదితరులు పాల్గొన్నారు.