యోగానందుని సన్నిధిలో బీఫారాలకు అభ్యర్థుల పూజలు

దిశ, అర్వపల్లి (జాజిరెడ్డిగూడెం) : జాజిరెడ్డిగూడెం మండలం అర్వపల్లిలోని శ్రీ యోగానంద లక్ష్మీ నరసింహస్వామి దేవాలయంలో సూర్యాపేట, తుంగతుర్తి బీఆర్ఎస్ అభ్యర్థులు మంత్రి గుంటకండ్ల జగదీష్ రెడ్డి, ఎమ్మెల్యే డాక్టర్ గాదరి కిషోర్ కుమార్ బీ ఫారాలను ఉంచి ప్రత్యేక పూజలు నిర్వహించారు. ఈ కార్యక్రమంలో మంత్రి జగదీష్ రెడ్డి సతీమణి సునీత, కుటుంబ సభ్యులు, సమాచార హక్కు చట్టం మాజీ కమిషనర్ కట్ట శేఖర్ రెడ్డి, ఎంపీపీ మన్నె రేణుకాలక్ష్మీనర్సయ్య యాదవ్, జడ్పీటీసీ దావుల వీరప్రసాద్ యాదవ్, మండల అధ్యక్షుడు గుండగాని సోమేష్ గౌడ్, జిల్లా నాయకులు కేవీ, మొరిశెట్టి ఉపేందర్, మారిపెద్ది శ్రీనివాస్ గౌడ్, కుంట్ల సురేందర్ రెడ్డి, ఆయా మండలాల మండల అధ్యక్షులు, ఎంపీపీలు, జడ్పీటీసీలు, ప్రజాప్రతినిధులు పాల్గొన్నారు.

కేంద్ర మంత్రి రాజీవ్ చంద్రశేఖర్ తో కలిసి బీజేపీ అభ్యర్థి కడియం పూజలు..

కేంద్ర స్కిల్ డెవలప్మెంట్, ఎలక్ట్రానిక్, ఐటీ శాఖల సహాయ మంత్రి రాజీవ్ చంద్రశేఖర్ తో కలిసి తుంగతుర్తి నియోజకవర్గ అభ్యర్థి కడియం రామచంద్రయ్య దంపతులు స్వామి వారి పాదాల చెంత బీ ఫారాలను ఉంచి ప్రత్యేక పూజలు నిర్వహించారు. ఈ కార్యక్రమంలో మాజీ ఎంపీ బూర నర్సయ్య గౌడ్, జిల్లా అధ్యక్షుడు బొబ్బా భాగ్యారెడ్డి, యాదాద్రి జిల్లా ఇంఛార్జి కడియం కళ్యాణ్ చందర్, కాపా రవికుమార్ ఆయా మండలాల నాయకులు పాల్గొన్నారు.