పిల్లలమర్రిలో ఫ్లెక్సీ వివాదం…

దిశ, సూర్యాపేట: మున్సిపల్ పరిధిలోని పిల్లలమర్రి గ్రామంలో మహా శివరాత్రి పండుగ సందర్భంగా ఏర్పాటు చేసిన ఫ్లెక్సీల గొడవ చిలికి చిలికి పెను వివాదాస్పదం అయింది. దీంతో ఇరువర్గాల మధ్య జరిగిన వివాదం కత్తిపోట్ల వరకు దారి తీసింది. తమ ఫ్లెక్సీలు చింపారని శివాలయం చైర్మన్ కోట్ల సైదులు, ఆయన కుమారులు నవీన్, వంశీలు కత్తులు, రాడ్లతో అదే గ్రామానికి చెందిన నజీర్, అక్బర్ లపై సోమవారం అర్ధరాత్రి దాడి చేసినట్లు తెలిసింది. ఈ దాడిలో నజీర్‌కి తీవ్ర గాయాలు కాగా ఆసుపత్రిలో చికిత్స పొందుతున్నారు. ఈ ఘటనపై సూర్యాపేట ఇరువర్గాలు రూరల్ పోలీస్ స్టేషన్ లో ఫిర్యాదు చేసుకున్నారు. పోలీసులు తక్షణమే ఇరువర్గాలకు చెందిన వ్యక్తులను అదుపులోకి తీసుకున్నట్లు సమాచారం. పూర్తి వివరాలు తెలియాల్సి ఉంది.