ఏ పార్టీ చేయని పని కాంగ్రెస్ చేసింది: రాహుల్ గాంధీ కీలక వ్యాఖ్యలు

దిశ, వెబ్‌డెస్క్: 2004లో తెలంగాణ ఇస్తామని కాంగ్రెస్ పార్టీ ఇస్తామని హామీ ఇచ్చింది.. తెలంగాణ ఇస్తామన్న హామీని ఎలా కాంగ్రెస్ సాకారం చేసిందో ప్రపంచమంతా చూసిందని రాహుల్ గాంధీ అన్నారు. సాధారణంగా తమకు నష్టం కలిగే నిర్ణయాలను ఏ పార్టీలు తీసుకోవు.. కానీ తెలంగాణ ఇస్తే నష్టమని తెలిసిన సోనియా గాంధీ ప్రజల ఆకాంక్షల కోసం తెలంగాణ రాష్ట్రాన్ని ఏర్పాటు చేశారని చెప్పారు. ఏ పార్టీ చేయని పని కాంగ్రెస్ పార్టీ చేసిందన్నారు. ప్రత్యేక తెలంగాణ రాష్ట్రం ఇచ్చిన ఘనత కాంగ్రెస్ పార్టీదేనని అన్నారు. కానీ పోరాడి సాధించుకున్న తెలంగాణలో ప్రజల ఆకాంక్షలు నేరవేరలేదన్నారు. తెలంగాణ ప్రజల ఆకాంక్షలు నేరవేరాలంటే కాంగ్రెస్ అధికారంలోకి రావాలన్నారు. అభివృద్ధి అనే గ్యారంటీతో తెలంగాణలో కాంగ్రెస్ పార్టీ అధికారంలోకి రాబోతుందని అన్నారు.