తెలంగాణలో బీజేపీ గెలిచే తొలి సీటు అదే: MP బండి సంజయ్ కీలక వ్యాఖ్యలు

దిశ, డైనమిక్ బ్యూరో: ‘కోనప్పా.. ఇగ చాలప్పా.. గుంటురికి వెళ్లిపో..’ అంటూ బీఆర్‌ఎస్ అభ్యర్థి కోనేరు కోనప్పపై బీజేపీ ఎంపీ బండి సంజయ్ తీవ్ర విమర్శలు చేశారు. ఎన్నికల ప్రచారంలో భాగంగా సిర్పూర్ కాగజ్‌నగర్ సభలో బండి సంజయ్ మాట్లాడుతూ.. కోనప్పా.. అంబలి, అన్నదానం చేస్తే చేసిన పాపాలు పోతాయా? అని ప్రశ్నించారు. సిర్పూర్ మిల్లులో ఉద్యోగాలియ్యకుండా స్థానికుల పొట్టకొడతావా అంటూ మండిపడ్డారు. కాంగ్రెస్, బీఆర్ఎస్ అధికారంలోకి వస్తే వెంటనే కుప్పకూలుతాయన్నారు. తెలంగాణలో మొట్టమొదటి ఓటర్ సిర్పూర్ కాగజ్‌నగర్ అని, బీజేపీ తొలి గెలుపు సిర్పూర్‌దే అని ధీమా వ్యక్తం చేశారు. ఉద్యోగ, ఉపాధ్యాయులారా.. సర్కార్లను మార్చేసిన చరిత్ర మీది అని, కేసీఆర్ అరాచక పాలనకు పాతరేయాలని బండి సంజయ్ పిలుపునిచ్చారు.