బీజేపీ అధికారంలోకి వస్తే బీసీ వ్యక్తే సీఎం: Bandi Sanjay Kuma

దిశ, వెబ్‌డెస్క్: కరీంనగర్ బీజేపీ అభ్యర్థిగా రేపు నామినేషన్ వేయబోతున్నట్లు బీజేపీ జాతీయ కార్యదర్శి, ఎంపీ బండి సంజయ్ మరోసారి తెలిపారు. ఆదివారం ఆయన కరీంనగర్‌లో మీడియాతో మాట్లాడుతూ.. తెలంగాణ అసెంబ్లీ ఎన్నికల్లో బీసీలకు 50 శాతం సీట్లు ఇవ్వబోతున్నామని తెలిపారు. రాష్ట్రంలో బీజేపీ అధికారంలోకి వస్తే బీసీ వ్యక్తిని సీఎం చేస్తామని మరోసారి స్పష్టం చేశారు. బీఆర్ఎస్ బీసీలకు 23 సీట్లు మాత్రమే ఇచ్చిందని, కాంగ్రెస్ బీఆర్ఎస్ పార్టీలు బీసీలకు క్షమాపణ చెప్పాలని డిమాండ్ చేశారు. బీసీ కమిషన్‌ను ఏర్పాటు చేసిన ఘనత బీజేపీదేనని అన్నారు. ఈ నెల 7వ తేదీన హైదరాబాద్‌లోని ఎల్బీ స్టేడియంలో జరగబోయే బీజేపీ బీసీ ఆత్మగౌరవ సభను విజయవంతం చేయాలని బండి కార్యకర్తలకు విజ్ఞప్తి చేశారు.