బీజేపీకి జయసుధ ఝలక్!? ఆ కండీషన్‌కు ఓకే అంటేనే..?

దిశ, తెలంగాణ బ్యూరో : సినీనటి జయసుధను పార్టీలో చేరాలని బీజేపీ శ్రేణులు సంప్రదించిన విషయం తెలిసిందే. కాగా చేరికకు ఆమె పలు షరతులు విధించినట్లు తెలుస్తోంది. కేంద్రం ఎదుట పలు ప్రతిపాదనలు ఉంచినట్లు సమాచారం. పూర్తి హామీ వచ్చాకే ఆమె పార్టీలోకి చేరే అవకాశాలున్నట్లు చెబుతున్నారు. ఈనెల 21వ తేదీన అమిత్ షా సభలో పలువురు నేతల చేరికలున్నాయి. కాగా అదే రోజు జయసుధ సైతం కాషాయతీర్థం పుచ్చుకుంటారని టాక్ వినిపించింది. కానీ అందరిలా గుంపులో గోవిందలాగా కాకుండా హైకమాండ్ హామీ ఇచ్చాక ఢిల్లీలో చేరేందుకే జయసుధ ఆసక్తి కనబరుస్తున్నట్లు తెలుస్తోంది. గతంలో సికింద్రాబాద్ కాంగ్రెస్ నుంచి గెలుపొంది జయసుధ ఎమ్మెల్యేగా పని చేశారు. అయితే ఇప్పుడు మళ్లీ ఎన్నికల్లో పోటీ చేసే ఆలోచనలో లేరని సమాచారం.

నన్ను వందశాతం చంపేస్తారు.. డేట్ కూడా రాసుకోండి : రాజాసింగ్ సంచలన వ్యాఖ్యలు