రైతులకు భారీ గుడ్ న్యూస్.. రైతు బంధు పంపిణీపై మంత్రి హరీష్ రావు కీలక ప్రకటన

దిశ, డైనమిక్ బ్యూరో: సోమవారం నుంచి యాసంగి పంటలకు పెట్టుబడి సాయం కింద రైతుబంధు నగదును రైతుల ఖాతాలో జమ చేస్తామని మంత్రి హరీష్ రావు చెప్పారు. ఎన్నికల కోడ్ నేపథ్యంలో రైతుబంధు పంపిణీ చేసేందుకు కేంద్ర ఎన్నికల సంఘం నుంచి ఇవాళ ఉదయమే అనుమతి ఇస్తూ శుభవార్త వచ్చిందని.. అయితే ఇవాళ, రేపు బ్యాంకులకు సెలవు కావడంతో ఎల్లుండి నుంచి పంపిణీ చేస్తామని వెల్లడించారు. శనివారం పాలకుర్తిలో ఎన్నికల ప్రచారంలో పాల్గొన్న హరీష్ రావు.. రైతు బంధు వేయకుండా కాంగ్రెస్ నాయకులు కాళ్లలో కట్టెలు అడ్డం వేసినా.. చివరకు ధర్మమే గెలిచిందన్నారు. ఎల్లుండి ఉదయం టీ తాగి టిఫిన్లు చేసే లోపు రైతుల ఖాతాలో నగదు జమ కాబోతున్నదన్నారు.