ఇద్దరు యువకులు ఆత్మహత్య

దిశ ప్రతినిధి, మేడ్చల్: అద్దెకు ఉంటున్న గదిలో ఇద్దరు యువకులు ఆత్మహత్య చేసుకున్న సంఘటన చౌదరిగుడాలో చోటుచేసుకుంది. మేడ్చల్ జిల్లా ఘన్పూర్ గ్రామానికి చెందిన తొంపల నివాస్ (19), భద్రాచలం కోరుకొండకు చెందిన గోరుకుల సాయి గణేష్ (21)లు చౌదరిగుడా విజయపురి కాలనీలో రూమ్ తీసుకొని ఉంటున్నారు. కాగా శనివారం వీరిరువురు బయటకి రాకపోవడంతో అనుమానం వచ్చిన ఇంటివారు పరిశీలించి చూడగా తొంపాల నివాస్ ఉరివేసుకొని కనిపించాడు. స్థానికులు పోలీసులకు సమాచారం ఇవ్వడంతో పోలీసులు వచ్చి రూములు పరిశీలించగా అందులోని బాత్రూంలో మరో యువకుడు మరణించి ఉండటం కనుగొన్నారు. సాయి గణేష్ పాయిజన్ తీసుకొని మృతి చెందినట్లు గుర్తించారు. తొమ్పాల నివాస్ బీఫార్మసీ మూడో సంవత్సరం చదువుతున్నాడని, సాయి గణేష్ ఘట్లేసార్ లో ఎం జే ఆర్ మాల్ లో ప్రైవేట్ ఉద్యోగిగా పనిచేస్తున్నాడని పోలీసులు పేర్కొన్నారు. వీరి యొక్క ఆత్మహత్యకు గల కారణాలు తెలియాల్సి ఉంది.