అక్రమ కట్టడాలు తొలగింపు

దిశ, తిరుమలగిరి : హైదరాబాద్ పోలీస్ కమిషనర్ సీవీ ఆనంద్ ఆదేశాల ప్రకారం ట్రాఫిక్ పోలీస్ కమిషనర్ పి.విశ్వ ప్రసాద్, ట్రాఫిక్ 1 డిప్యూటీ కమిషనర్ ఆఫ్ పోలీస్ రాహుల్ హెగ్డే నేతృత్వంలో వెస్ట్ మారేడ్ పల్లి, సికింద్రాబాద్ పరిధిలో శనివారం రోప్ ఆపరేషన్ నిర్వహించారు. ఈ ఆపరేషన్ లో నార్త్ జోన్ ట్రాఫిక్ 1 ఏసీపీ జి.శంకర్ రాజ్, మారేడ్ పల్లి ట్రాఫిక్ ఇన్ స్పెక్టర్ జె.భాస్కర్ తమ సిబ్బందితో పాటు జీహెచ్ఎంసీ ఏసీపీ సుస్మిత బృందం ఫుట్ పాత్ లపై అక్రమంగా నిర్మించిన షెడ్లు, ఆక్రమణలను తొలగించారు. ఈ సందర్భంగా వారు మాట్లాడుతూ రోడ్లపై అక్రమ కట్టడాలు నిర్మించి, ట్రాఫిక్ కు ప్రజలకు ఇబ్బంది కలిగే విధంగా వ్యవహరించే వారిపై చట్టపరమైన చర్యలు తీసుకుంటామని హెచ్చరించారు. అలాంటి వారిపై క్రిమినల్ కేసులు కూడా నమోదు చేస్తామన్నారు.