నేషనల్ ఖోఖో పోటీలకు ఎంపిక

దిశ, శామీర్ పేట : నేషనల్ ఖోఖో పోటీలకు సాయికుమార్ అనే విద్యార్థి ఎంపికయ్యాడు. ఈ సందర్భంగా మేడ్చల్ జిల్లా ట్రాస్మా ఉపాధ్యక్షులు గోనె హనుమంత్ రెడ్డి, ప్రిన్సిపాల్ జంగారెడ్డి మాట్లాడుతూ జాతీయ అంతర్జాతీయ స్థాయిలో రాణించి మంచి పేరు ప్రఖ్యాతులు తీసుకురావాలని కోరారు. తూముకుంట మున్సిపాలిటీ లోని విజ్ఞాన భారతి హైస్కూల్ లో పదవ తరగతి చదువుతున్న సాయికుమార్ 43వ జూనియర్ నేషనల్ ఛాంపియన్ షిప్ పోటీలకు ఎంపిక కావడంతో శుక్రవారం పాఠశాల యజమాన్యం అభినందించింది. ఈనెల 25 నుంచి ఉత్తరప్రదేశ్ ఆలీగర్ లో జరిగే పోటీలో పాల్గొంటాడరని తెలిపారు. ఈ కార్యక్రమంలో ప్రధానోపాధ్యాయురాలు సంగీత, వ్యాయామ ఉపాధ్యాయుడు ప్రశాంత్ రెడ్డి, రశ్మిత, షబానా, రబిత, హేమలత, విద్యార్థులు పాల్గొన్నారు.