రూ. 53 లక్షల అభివృద్ధి పనులను ప్రారంభించిన ఎమ్మెల్యే మాధవరం..

దిశ, కూకట్​పల్లి: ఫతేనగర్​ డివిజన్​ పరిధిలో రూ. 53 లక్షల వ్యయంతో చేపడుతున్న తాగునీటి పైప్​లైన్​ పనులను ఎమ్మెల్యే మాధవరం కృష్ణారావు మంగళవారం కార్పొరేటర్​ పండాల సతీష్​ గౌడ్​తో కలిసి ప్రారంభించారు. ఈ సందర్భంగా ఎమ్మెల్యే మాట్లాడుతూ నియోజకవర్గం పరిధిలోని ప్రతి ఇంటికి తాగునీటిని అందించేందుకు ప్రణాళిక బద్ధంగా పని చేస్తున్నామని అన్నారు. నియోజకవర్గంలో తాగునీటి ఎద్దడి లేకుండా చర్యలు తీసుకుంటున్నామని అన్నారు.

వేసవి కాలంలోను నీటి సమస్య ఏర్పడకుండా సీఎం కేసీఆర్​ ముందుచూపుతో నీటి సమస్యను పరిష్కరించారని అన్నారు. 9 ఏండ్ల కాలంలో కూకట్​పల్లి నియోజకవర్గంతో పాటు రాష్ట్రం అభివృద్ధి సాధించిందని అన్నారు. ఈ కార్యక్రమంలో డివిజన్ అధ్యక్షుడు కంచి బిక్షపతి, కే. రాములు, నర్సయ్య, స్వామి, రాజ్ కుమార్, సత్యనారాయణ, నంద కుమార్, టి. రవీందర్ గౌడ్, భగాయ్యా, దత్త రావు, నశు, సలావుద్ధిన్, రహిమా, బాలమణి, జయ్యమ్మ, సురేందర్ నాయుడు తదితరులు పాల్గొన్నారు.