పీర్జాదిగూడలో తప్పిన పెను ప్రమాదం..

దిశ, మేడిపల్లి : మేడ్చల్ జిల్లా పీర్జాదిగూడ చెన్నారెడ్డి కాలనీలో పెను ప్రమాదం తప్పింది. అంబర్ పేటకు చెందిన రామనాధం తన బంధువులను కలవడానికి మేడిపల్లి పీఎస్ పరిధి పిర్జాదిగూడ చిన్న రెడ్డి కాలనీ వైపు తన షిఫ్ట్ డిజైర్ కారులో వస్తుండగా ఒక్కసారిగా మంటలు చెలరేగి కార్ దగ్ధమయ్యింది. చుట్టూ ఇండ్లు, అపార్ట్మెంట్ లు ఉన్న ప్రాంతంలో కారులో ఒక్కసారిగా మంటలు చెలరేగడంతో రామనాధం కార్ డోర్లు తన్నుకొని బయటపడటంతో తృటిలో పెను ప్రమాదం తప్పింది. షార్ట్ సర్క్యూటే ప్రమాదానికి కారణం అని తెలుస్తుంది. సంఘటనా స్థలానికి ఫైర్ ఇంజన్ చేరుకొని మంటలను ఆర్పడంతో ఏ విధమైన ప్రమాదం సంభవించక పోవడంతో ఆ ప్రాంత ప్రజలు ఊపిరి పీల్చుకున్నారు.