Marijuana : గంజాయి రవాణా చేస్తున్న వ్యక్తి అరెస్ట్​

దిశ, కూకట్​పల్లి : కూకట్​పల్లి పోలీస్​ స్టేషన్​ పరిధిలో ఓ వ్యక్తి గంజాయి రవాణా చేస్తుండగా పోలీసులు అరెస్ట్​ చేశారు. పోలీసులు తెలిపిన వివరాల ప్రకారం మంగళవారం కూకట్​పల్లి జూనియర్​ కళాశాల పక్కనే ఉన్న బస్టాప్​లో ఓ వ్యక్తి గంజాయి బ్యాగుతో ఉన్నాడని అందిన సమాచారం మేరకు పోలీసులు దాడి చేశారు.

    నిందితుడు విశాఖపట్టణంకు చెందిన గూడెపు రాజుగా గుర్తించారు. నగరంలో పలు చోట్ల గంజాయి సరఫరా చేస్తున్నాడని పోలీసులు తెలిపారు. అతడి వద్ద నుంచి 2.3 కిలోల గంజాయి లభ్యం అయినట్టు సీఐ ముత్తు పేర్కొన్నారు. నిందితుడు గతంలో జీడిమెట్ల పోలీస్ స్టేషన్​ పరిధిలో గంజాయి కేసులో 8 నెలల పాటు జైలు శిక్ష అనుభించి మూడు నెలల క్రితమే విడుదలైనట్టు పోలీసులు తెలిపారు.