నాకు ఎస్ఓటీలో డ్యూటీ చేయాలని ఉంది.. ఇది పోలీసు ఆశవాహుల కోరిక..

దిశ, రాచకొండ : నాకు ఎస్ఓటీ ( స్పెషల్ ఆపరేషన్ టీం ) లో పని చేయాలని ఉంది. కానీ అవకాశం దక్కడం లేదు. నాకు స్పెషల్ ఆపరేషన్ టీం డ్రెస్ వేసుకోవాలని ఉంది. కానీ ఛాన్స్ ఇవ్వడం లేదు. ఇది రాచకొండ పోలీసు కమిషనరేట్ పరిధిలో కొంత మంది ఆశవాహుల కానిస్టేబుల్ కోరిక. అది తీరకపోవడంతో ఇప్పుడు ఎస్ఓటీ లో తిష్ట వేసిన వారి లిస్ట్ ను బయటకు తీశారు. తాజా గా ఒక ఎల్బి నగర్ ఎస్ ఓ టీ వింగ్ లో ఎఎస్ఐ, హెడ్ కానిస్టేబుల్, కానిస్టేబుల్ లు 8, 10, 11, 12 సంవత్సరాల నుంచి ఎస్ఓటీ లోనే పని చేస్తున్నారని పోలీసు వర్గాల్లో ప్రచారం జరుగుతోంది.

ఉన్నతాధికారుల దృష్టికి తీసుకు వెళ్లలేక ఆశవాహులైన కానిస్టేబుల్ ఎప్పుడు తమకు ఎస్ఓటీ లో అవకాశం వస్తుందని ఎదురు చూస్తున్నారు. దీర్ఘ కాలంగా ఏండ్ల తరబడి ఇక్కడే కొంత మంది సిబ్బంది ఉండిపోవడంతో అధికారుల అండ తో అక్రమ వసూళ్లు, సెటిల్మెంట్ లు, తదితర చట్టవిరుద్ధమైన వ్యవహారాలు నడుస్తునాయిని పోలీసు వర్గాల్లో విమర్శల టాక్ నడుస్తోంది. కొత్త కమిషనర్ తరుణ్ జోషి ఎస్ఓటీ పోస్టింగ్ ల పై దృష్టి పెట్టాలని ఆశవాహులు కోరుతున్నారు.