మెట్ పల్లి మాజీ ఎమ్మెల్యే మృతి

దిశ, కోరుట్ల : దివంగత ఎమ్మెల్యే కొమిరెడ్డి రాములు సతీమణి, మాజీ ఎమ్మెల్యే కొమిరెడ్డి జ్యోతక్క గత కొద్దిసేపటి క్రితం మరణించినట్లు మెట్ పల్లి పట్టణ కాంగ్రెస్ పార్టీ సీనియర్ నాయకులు ఎండీ. రయసుద్దీన్ తెలిపారు. గత కొద్ది రోజులుగా గుండె సంబంధిత వ్యాధితో ఆమె బాధపడుతూ శుక్రవారం బెంగుళూరులోని నారాయణ హృదయాలయ ఆసుపత్రిలో మరణించారు. గత సంవత్సరం క్రితం మాజీ ఎమ్మెల్యే కొమిరెడ్డి రాములు మరణించిన విషయం తెలిసిందే. కొమిరెడ్డి జ్యోతక్క మరణంతో కోరుట్ల నియోజకవర్గంలో పలువురు దిగ్భ్రాంతి వ్యక్తం చేశారు.