గ్రూప్ 3 పరీక్ష కేంద్రాలను పరిశీలించిన సీపీ సుధీర్ బాబు..

దిశ, ఉప్పల్ : రామంతపూర్ లోని గ్రూప్ 3 పరీక్ష కేంద్రాలను పరిశీలించారు రాచకొండ సీపీ సుధీర్ బాబు. ఈ సందర్భంగా ఆయన మాట్లాడుతూ ఉప్పల్ పోలీస్ స్టేషన్ పరిధిలో 7 పరీక్ష కేంద్రాల వద్ద పటిష్ట బందోబస్తును ఏర్పాటు చేసినట్లు ఆయన తెలిపారు. ఎలాంటి అవాంఛనీయ సంఘటనలు జరగకుండా ముందస్తు చర్యలు చేపట్టినట్టు ఆయన తెలిపారు. దీనిలో భాగంగా ఒమేగా డిగ్రీ కాలేజ్, రామంతపూర్ పాలిటెక్నిక్ కాలేజీను సందర్శించారు. అక్కడి అధికారులకు పలు సూచనలు చేశారు. సీపీతో పాటు ఎస్ఓటి డీసీపీ నరసింహారెడ్డి, ట్రాఫిక్ డీసీపీ మనోహర్, మల్కాజ్గిరి ఏసీపీ చక్రపాణి, ట్రాఫిక్ ఏసీపీ శ్రీనివాస్, ఉప్పల్ సీఐ ఎలక్షన్ రెడ్డి, ఎస్బీ సీఐ మన్మోహన్, డీఐ రామలింగారెడ్డి, ట్రాఫిక్ సీఐ లక్ష్మీ మాధవి, ఎస్సైలు సిబ్బంది పాల్గొన్నారు.