ఐడిఎల్ చెరువు కట్టపై నిమర్జన ఏర్పాట్లను పరిశీలించిన సీపీ అవినాష్ మహంతి
కూకట్పల్లి నియోజకవర్గంలోని ఐడీఎల్ చెరువు కట్టను సైబరాబాద్ సీపీ అవినాష్ మహంతి ఆదివారం సందర్శించి నిమజ్జన ఏర్పాట్లను పరిశీలించారు.
దిశ, కూకట్పల్లి : కూకట్పల్లి నియోజకవర్గంలోని ఐడీఎల్ చెరువు కట్టను సైబరాబాద్ సీపీ అవినాష్ మహంతి ఆదివారం సందర్శించి నిమజ్జన ఏర్పాట్లను పరిశీలించారు. సీపీ అవినాష్ మహంతి వెంట బాలానగర్ డీసీసీ సురేష్ కుమార్, అదనపు డీసీపి సత్యనారాయణ, ఏసీపీ శ్రీనివాస్ రావులు పాల్గొన్నారు. భక్తులకు ఎటువంటి ఇబ్బంది కలగకుండా అన్ని చర్యలు తీసుకోవాలని సీపీ అవినాష్ మహాంతి అధికారులను ఆదేశించారు. ఎటువంటి అవాంఛనీయ సంఘటనలు జరగకుండా, నిమజ్జనానికి వచ్చే భక్తుల బధ్రతకు అన్ని చర్యలు తీసుకోవాలని సూచించారు. ఈ కార్యక్రమంలో సీఐ కొత్తపల్లి ముత్తు, ఎస్సై రామకృష్ణ, జీహెచ్ఎంసీ డీఈ ఆనంద్, ఏఈ శ్రీనివాస్ తదితరులు పాల్గొన్నారు.