దేశవ్యాప్తంగా బీజేపీ చర్యలు ఎదుర్కోవడమే కాంగ్రెస్ ధ్యేయం

దిశ, తిరుమలగిరి : దేశ వ్యాప్తంగా కాంగ్రెస్ అధిష్టానం పిలుపు మేరకు జైబాపు జైభీం జై సంవిధాన్ అభియాన్ కార్యక్రమం కంటోన్మెంట్ నియోజకవర్గంలోని డైమండ్ పాయింట్ లో గల గాయత్రీ గార్డెన్స్ లో ఎమ్మెల్యే శ్రీగణేష్ ఆధ్వర్యంలో నిర్వహించారు. ఈ సందర్బంగా ఆయన మాట్లాడుతూ బీజేపీని ఎదుర్కోవడానికి ఏఐసీసీ పిలుపు మేరకు కంటోన్మెంట్ నియోజకవర్గంలోని 1,2,6 వార్డుల్లోని కాంగ్రెస్ ముఖ్య నాయకులు, కార్యకర్తలతో సమావేశం ఏర్పాటు చేసి దిశా నిర్దేశం చేసినట్లు తెలిపారు. ఈ కార్యక్రమంలో జై బాపు జై భీం జై సంవిధాన్ అభియాన్ కంటోన్మెంట్ కోఆర్డినేటర్, రాష్ట్ర వైశ్య కార్పొరేషన్ చైర్ పర్సన్ కాల్వ సుజాత, కంటోన్మెంట్ బోర్డ్ మాజీ ఉపాధ్యక్షుడు జంపన ప్రతాప్, నాయకులు బల్వంత్ రెడ్డి, సదా పాల్గొన్నారు.