భక్తిశ్రద్ధలతో ఛట్ పూజలు

దిశ, శామీర్ పేట : ఉత్తర భారతీయులు భక్తిశ్రద్ధలతో నిర్వహించుకునే ఛట్ పూజ శుక్రవారం శామీర్ పేట పెద్ద చెరువు వద్ద వైభవంగా జరిగింది. ముఖ్య అతిథిగా మల్కాజ్గిరి ఎంపీ ఈటల రాజేందర్ పాల్గొని ప్రత్యేక పూజలు చేశారు. ఈ సందర్భంగా ఆయన మాట్లాడుతూ ఉత్తర భారతీయులు పవిత్రంగా జరుపుకునే ఛట్ పూజను కార్తీక మాసంలో నిర్వహించడం అభినందనీయమన్నారు. సూర్యుడికి కృతజ్ఞతలు తెలుపుకుంటూ ఆయురారోగ్యాలతో చూడాలని ఆరాధిస్తారని తెలిపారు. ఈ కార్యక్రమంలో మాజీ ఎంపీపీ బి. చంద్రశేఖర్ యాదవ్, టీకాదర్ యాదవ్, భక్తులు తదితరులు పాల్గొన్నారు.