రేవంత్ రెడ్డిపై భగ్గుమన్న బీజేపీ నాయకులు..
హుజూరాబాద్ బీజేపీ ఎమ్మెల్యే ఈటెల రాజేందర్ పై టీపీసీసీ అధ్యక్షుడు రేవంత్ రెడ్డి చేసిన వ్యాఖ్యలపై మేడ్చల్ మున్సిపల్ బీజేపీ నాయకులు ఆగ్రహం వ్యక్తం చేశారు.
దిశ, మేడ్చల్ టౌన్: హుజూరాబాద్ బీజేపీ ఎమ్మెల్యే ఈటల రాజేందర్ పై టీపీసీసీ అధ్యక్షుడు రేవంత్ రెడ్డి చేసిన వ్యాఖ్యలపై మేడ్చల్ మున్సిపల్ బీజేపీ నాయకులు ఆగ్రహం వ్యక్తం చేశారు. సోమవారం మేడ్చల్ పట్టణంలోని అంబేద్కర్ విగ్రహం వద్ద రేవంత్ రెడ్డి దిష్టిబొమ్మను దహనం చేసి నిరసన వ్యక్తం చేశారు.
ఈ సందర్భంగా మేడ్చల్ మున్సిపల్ బీజేపీ అధ్యక్షుడు కోండం ఆంజనేయులు ముదిరాజ్ మాట్లాడుతూ తమ పార్టీ నాయకుడైన ఈటల రాజేందర్ గురించి అనుచితంగా మాట్లాడితే రేవంత్ రెడ్డి తీవ్ర పరిణామాలు ఎదుర్కోవాల్సి వస్తుందని హెచ్చరించారు. ఈ కార్యక్రమంలో సీఎచ్ శ్రీనివాస్ గౌడ్, లావగం శ్రీకాంత్, జాకట ప్రేమ్ దాస్, మైసరి రాజు, సర్వేశ్వర్ రెడ్డి, హేమలత రెడ్డి, పద్మాక్షి వంశిందర్ రెడ్డి, అర్జున్, రాజుఆనంద్, రాఘవ రెడ్డి, వంశీ, అవినాష్, అర్జున్, మోజేస్ తదితరులు పాల్గొన్నారు.