చట్ట వ్యతిరేక కార్యకలాపాలను ఉక్కు పాదంతో అణచివేస్తాం

దిశ, సిద్దిపేట ప్రతినిధి : చట్ట వ్యతిరేక కార్యకలాపాలను ఉక్కుపాదంతో అణచివేస్తామని టాస్క్ ఫోర్స్ ఏసీపీ రవీందర్ ఒక ప్రకటనలో హెచ్చరించారు. పోలీస్ కమిషనర్ అనురాధ ఆదేశాల మేరకు ఇసుక, పీడీఎస్ రైస్ అక్రమ రవాణా, జూదం, పేకాట, ఇతర మత్తు పదార్థాలు విక్రయించే, రవాణా చేసే వారిపై పటిష్టమైన నిఘా ఏర్పాటు చేయడం జరిగిందన్నారు. పోలీస్ కమిషనరేట్ పరిధిలోని గ్రామాలు, పట్టణాల్లో ఇసుక, పీడీఎస్ రైస్ డంపు, అక్రమ రవాణా చేసిన, గంజాయి మత్తు పదార్థలు కలిగి ఉన్న, పేకాట, కల్తీ విత్తనాలు, కల్తీ తినుబండారాలు చట్ట వ్యతిరేక కార్యక్రమాలు నిర్వహిస్తున్నట్లు తెలిస్తే టాస్క్ ఫోర్స్ ఏసీపీ ఫోన్ నెంబర్ 8712667445 కు సమాచారం అందించాలన్నారు. సమాచారం అందించిన వారి పేర్లు గోప్యంగా ఉంచడం జరుగుతుందన్నారు.