వేర్వేరు ఘటనల్లో ఇద్దరి మృతి

దిశ, సంగారెడ్డి అర్బన్ : వేరు వేరు ఘటనల్లో ఇద్దరు మృతి చెందారు. ఈ సంఘటన సంగారెడ్డి జిల్లాలో సోమవారం వెలుగులోకి వచ్చింది. సంగారెడ్డి రూరల్ ఎస్సై రవీందర్ తెలిపిన వివరాల ప్రకారం... కంది మండలం చిమ్మాపూర్ తండాకు చెందిన అమర్ సింగ్ (25) స్థానికంగా ఏ పని చేయకుండా మద్యానికి బానిసై ఖాళీగా తిరుగుతున్నాడు. గతంలో ఇతడు తన మొదటి భార్యను చంపి జైలుకు వెళ్లి వచ్చాడు. ఆ తర్వాత ఇతడికి మరొకరితో రెండో వివాహం జరిగింది. కాగా ఈ నెల 17న మనస్థాపంతో చిమ్నాపూర్ చెరువులోకి దూకి ఆత్మహత్య చేసుకున్నాడు.

ఫసల్వాదికి చెందిన మరో వ్యక్తి మృతి

ఫసల్వాది గ్రామానికి చెందిన బైండ్ల యాదయ్య (50) ఈ నెల 17న చేపలు పట్టేందుకు పసల్వాది పాత బ్రిడ్జి వద్దకు వెళ్లాడు. అయితే చేపలు పడుతుండగా ..ప్రమాదవశాత్తు బ్రిడ్జ్ నీటిలో పడి మృతి చెందాడు. మృతుల కుటుంబ సభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని ఎస్సై తెలిపారు.