కాంగ్రెస్ వస్తుంది.. ఆరు గ్యారంటీ పథకాలు ఇస్తుంది : దేవులపల్లి యాదగిరి

దిశ, నంగునూరు : కాంగ్రెస్ అధికారంలోకి వస్తుంది ఆరు గ్యారంటీ పథకాలు ఇస్తుందని, ఆరు గ్యారంటీ పథకాలతో బీఆర్ఎస్ అడ్రస్ గల్లంతు ఐతుందని టీపీసీసీ రాష్ట్ర కార్యదర్శి దేవులపల్లి యాదగిరి అన్నారు. ఆదివారం నర్మెట గ్రామానికి చెందిన బీఆర్ఎస్ నాయకులు, కార్యకర్తలు 30 మంది కాంగ్రెస్ పార్టిలో చేరారు. వారికి యాదగిరి కండువాలు కప్పి కాంగ్రెస్ పార్టిలోకి ఆహ్వానించారు. అనంతరం ఆయన మాట్లాడుతూ కేసీఆర్ కుటుంబ సభ్యులు ఓటమి భయంతో కేటీఆర్, హరీష్ రావులు పిచ్చి కూతలు కూస్తున్నరని ఆరోపించారు. అధికారం ముసుగులో అవినీతి సొమ్ము తినుడుకు కేటీఆర్, హరీష్ రావులు అలవాటు పడ్డారన్నారు.

కాంగ్రెస్ పార్టీ ప్రకటించిన పథకాలకు ప్రజలలో మంచి స్పందన రావడం ఈ సారి కాంగ్రెస్ పార్టీకే ఓట్లు వేస్తామని బహిరంగంగా చెప్పడంతో కాంగ్రెస్ పార్టీ పైన తమ అక్కసును వెళ్ళగకుతున్నారని మండిపడ్డారు. రెండు సార్లు అధికారంలోకి వచ్చి ప్రజల సంక్షేమన్ని మర్చిపోయిన కేసీఆర్ మరోసారి దొంగ హామీలతో అధికారంలోకి వస్తామని పగటి కళలు కంటున్నాడని దుయ్యబాట్టారు. తెలంగాణా ఇచ్చిన కాంగ్రెస్ పార్టీతోనే అభివృద్ధి సాధ్యం అవుతుందని ప్రజలు నమ్ముతారని, వారి నమ్మకాన్ని రాహుల్ గాంధీ నిజం చేస్తారని ధీమా వ్యక్తం చేశారు. ఈ కార్యక్రమంలో తప్పేట శంకర్, ఎంపీటీసీ ఎనగందుల నితిన్ కుమార్, మండల నాయకులు చెలికాని యాదగిరి, బాగు శ్రీకాంత్, రాజిరెడ్డి, అనరాజు నాగరాజు, ముస్త్యాల యాదగిరి, గందమల యాదగిరి, గోపాల్ రెడ్డి, గట్టు కిరణ్, రజినీకాంత్, గౌరబోయిన రాజులు పాల్గొన్నారు.