కారు, బైక్ ఢీ.. చికిత్స పొందుతూ వ్యక్తి మృతి

దిశ, చిలిపిచెడ్: కారు, బైక్ ఢీకొని చికిత్స పొందుతూ ఓ వ్యక్తి మృతి చెందిన ఘటన చిలిపిచెడ్ మండల పరిధిలోని చిట్కూల్ గ్రామంలో శనివారం చోటుచేసుకుంది. వివరాల్లోకి వెళితే.. కౌడిపల్లి మండలం మనంతాయిపల్లి తండాకు చెందిన నూనావత్ గన్య (50) తన వ్యక్తిగత పని నిమిత్తం చిట్కూల్ గ్రామానికి బయలుదేరాడుజ ఈ క్రమంలో ఎదురుగా జోగిపేట వైపు వెళ్తున్న కారు గన్యను బలంగా ఢీ కొట్టింది.

ప్రమాదంలో తీవ్రంగా గాయపడిన గన్యను స్థానికులు హుటాహుటీన ఆస్పత్రికి తరలించగా మెరుగైన వైద్యం కోసం ఉస్మానియా ఆస్పత్రికి తరలించారు. ఈ క్రమంలో చికిత్స పొందుతూ శనివారం ఉదయం గన్య మృతి చెందాడని బంధువులు పోలీసులకు ఫిర్యాదు చేశారు. అతి వేగంతో కారు నడపడం వల్లే ఈ ప్రమాదం సంభవించిందని మృతుడి తరపు బంధువులు పేర్కొన్నారు. కేసు నమోదు చేసిన పోలీసులు దర్యాప్తు చేస్తున్నామని తెలిపారు.