'సన్న బియ్యం పంపిణీతో పేదలకు అసలైన పండుగ..'

దిశ, కొండాపూర్ : మండల కేంద్రంలో టీపీసీసీ వర్కింగ్ ప్రెసిడెంట్ మాజీ ఎమ్మెల్యే జగ్గారెడ్డి ఆదేశాలతో పేదలకు రేషన్ షాప్ లో సన్న బియ్యం పంపిణీ చేశారు. ఈ సందర్భంగా ఆత్మ కమిటీ చైర్మన్ వై.ప్రభు మాట్లాడుతూ గత బీఆర్ఎస్ ప్రభుత్వం పదేళ్ల అధికారంలో ఉండి రేషన్ కార్డుల పై సన్న బియ్యం ఇస్తామని ప్రకటనలకే పరిమితమైతే.. కాంగ్రెస్ అధికారంలోకి వచ్చిన 15 నెలలోనే ఆచరణలో చేసి చూపిస్తోందని పేర్కొన్నారు. ప్రస్తుతం దొడ్డు బియ్యం స్థానంలో ఏప్రిల్ ఒకటో తారీకు నుండి సన్నబియ్యం పంపిణీ చేస్తుండడంతో రాష్ట్ర ప్రభుత్వ ఖజానా పై రూ.2858 కోట్లు అదనపు భారం పడుతుంది. ఎంత భారం అయినా ప్రజల కోసమే ఈ ప్రజా ప్రభుత్వం అని తెలిపారు. సంక్షేమం అభివృద్ధి సమపాళ్లలో అందించడం కాంగ్రెస్ వల్లే సాధ్యమని శ్రీమంతులే కాదు.. పేదలు కూడా సన్న బియ్యం తినాలని ప్రజా ప్రభుత్వం ఆకాంక్ష అదే ఇందిరమ్మ రాజ్యం అన్నారు. ఈ కార్యక్రమంలో ఆత్మ కమిటీ చైర్మన్ ప్రభు, మాజీ ఎంపీటీసీ నరసింహారెడ్డి మండల కాంగ్రెస్ పార్టీ నాయకులు, కార్యకర్తలు పాల్గొన్నారు.