కమాండర్ రాజేశ్‌ది బూటకపు ఎన్కౌంటర్: మావోయిస్టు పార్టీ కార్యదర్శి ఆజాద్
తెలంగాణ–ఛత్తీస్గఢ్ రాష్ట్రాల సరిహద్దుల్లోని పుట్టపాడు అటవీ ప్రాంతంలో జరిగింది బూటకపు ఎన్కౌంటర్ అని మావోయిస్టు పార్టీ కార్యదర్శి ఆజాద్ పేర్కొన్నారు.
దిశ, తెలంగాణ క్రైం బ్యూరో: తెలంగాణ–ఛత్తీస్గఢ్ రాష్ట్రాల సరిహద్దుల్లోని పుట్టపాడు అటవీ ప్రాంతంలో జరిగింది బూటకపు ఎన్కౌంటర్ అని మావోయిస్టు పార్టీ కార్యదర్శి ఆజాద్ పేర్కొన్నారు. ఈ మేరకు లేఖ విడుదల చేసిన ఆజాద్బూటకపు ఎన్కౌంటర్‌లో కమాండర్రాజేశ్, మరో దళ సభ్యుడు చనిపోయినట్టు తెలిపారు. ఎస్సెల్లార్గన్ దొరికిందని పోలీసులు చెబుతున్న మాటల్లో వాస్తవం లేదని పేర్కొన్నారు. కమాండర్రాజేశ్పార్టీ పనుల నేపథ్యంలో ఒంటరిగా పుట్టపాడు గ్రామానికి వెళ్లినట్టు తెలిపారు. ఓ ద్రోహి ఇచ్చిన సమాచారంతో పోలీసులు అతన్ని పట్టుకుని చిత్రహింసలకు గురి చేసి ఆ తరువాత కాల్చి చంపినట్టు ఆరోపించారు. ఇది నిజమైన ఎన్కౌంటర్అని నమ్మించటానికి తమతో పాటు తెచ్చుకున్న ఎస్సెల్లార్ తుపాకీని అక్కడ పెట్టారన్నారు.
పుట్టపాడు గ్రామానికి చెందిన నందాల్అనే అమాయక ఆదివాసీని కూడా పోలీసులు కాల్చి చంపినట్టు తెలిపారు. ఒక నిరాయుధున్ని, గ్రామస్తున్ని పట్టుకుని చంపి ఎన్కౌంటర్అని చెబుతున్నారని పేర్కొంటూ ఇది పోలీసుల పిరికి పంద చర్య అని అభివర్ణించారు. బీఆర్ఎస్ పార్టీల నాయకులు, ఎస్పీ వినీత్, డీఎస్పీ సత్యనారాయణ, సీఐ అశోక్‌లు ఈ హత్యలకు పూర్తి బాధ్యులని పేర్కొన్నారు. ఛత్తీస్గఢ్రాష్ర్టం సుక్మా జిల్లా కంగాల్గ్రామానికి చెందిన రాజేశ్తన 19వ యేటనే విప్లవోద్యమంలోకి వచ్చినట్టు తెలిపారు. 2016 నుంచి 2022 అక్టోబర్వరకు చర్ల ఎల్వోఎస్సభ్యునిగా పని చేసినట్టు చెప్పారు. 2022, అక్టోబర్‌లో ఎల్వోఎస్కమాండర్‌గా ప్రమోట్అయినట్టు పేర్కొన్నారు.