ఘనంగా గంగమ్మ జాతర

దిశ,వీపనగండ్ల:దీపావళి పండుగను పురస్కరించుకొని మండల కేంద్రమైన వీపనగండ్లలో గంగమ్మ జాతర ఉత్సవాలు అంగరంగ వైభవంగా కొనసాగాయి. భక్తులు అమ్మవారిని దర్శించుకుని మొక్కులు చెల్లించుకున్నారు. గ్రామ పెద్దలు 56 తులాల వెండి తో చేయించిన పెద్ద గొలుసును అమ్మవారికి అలంకరించారు. ఆదివారం అమ్మవారి ఆలయం ఎదుట ఆలయ పూజారి వంశస్థులు శివశక్తుల పూనకాలతో అమ్మవారిని ఊరేగింపుగా గంగమ్మ దేవతను సమీపంలోని గంగమ్మ బాయి వద్దకు తీసుకువెళ్లి శాస్త్రోతంగా పూజలు నిర్వహించారు. కార్యక్రమంలో గ్రామ ప్రజలు మండలంలోని పలు గ్రామాల నుంచి భక్తులు వచ్చి పాల్గొన్నారు.