మహబూబ్ నగర్ జిల్లా కొత్త డిఇఓ ఎవరో తెలుసా..?

దిశ ప్రతినిధి,మహబూబ్ నగర్: మహబూబ్ నగర్ జిల్లా విద్యాశాఖాధికారి గా జి.ప్రవీణ్ కుమార్ నియమితులైయ్యారు. వికారాబాద్ అసిస్టెంట్ డైరెక్టర్ గా పనిచేస్తున్న ఆయనకు మహబూబ్ నగర్ జిల్లా డిఈఓగా పూర్తి అదనపు బాధ్యతలను అప్పజెప్పినట్లు విశ్వసనీయ వర్గాల సమాచారం. ఇంతకు ముందు ఉన్న డిఈఓ రవీందర్ ఏసీబీ కి చిక్కి ప్రస్తుతం సస్పెండ్ లో ఉన్నందున వికారాబాద్ ఏడిగా పనిచేస్తున్న ప్రవీణ్ కుమార్ ను మహబూబ్ నగర్ డిఇఓ గా అదనపు బాధ్యతలను అప్పజెప్పినట్లు, రేపు ఆయన విధుల్లో చేరనున్నట్లు తెలిసింది. ఇక్కడ విద్యా శాఖ ఏడిగా పనిచేస్తున్న అనసూయ డిఇఓ బాధ్యతలు చేపట్టడానికి విముఖత చూపడంతో వికారాబాద్ ఏడి ప్రవీణ్ కుమార్ కు మహబూబ్ నగర్ జిల్లా కు బదిలీ చేశారు.