విద్యుదాఘాతంతో యువకుడు మృతి..

దిశ, గద్వాల క్రైం : మేకలకు మేత కోసం చెట్టు కొమ్మలు తెంపుతున్న క్రమంలో ప్రమాదవశాత్తు విద్యుత్ ఘాతంతో ఓ యువకుడు మృతి చెందిన సంఘటన గద్వాల మండలంలోని గుంటుపల్లి గ్రామంలో చోటుచేసుకుంది. గద్వాల పట్టణ ఎస్సై కళ్యాణ్ రావు తెలిపిన వివరాల ప్రకారం గద్వాల మండలం గుంటిపల్లి గ్రామ సమీపంలో రామాంజనేయులు (17) అనే యువకుడు మేకలకు మేత కోసం సుబాబు చెట్టు ఎక్కాడు.

చెట్టు పై కొమ్మలు విరుస్తూ చెట్టు పైన ఉన్న హై టెన్షన్ కరెంట్ వైర్లని గమనించకపోవడంతో విద్యుత్ ఘాతానికి గురై యువకుడు అక్కడికక్కడే మృతి చెందాడు. చేతికొచ్చిన యువకుడు అకాల మృతితో కుటుంబ సభ్యుల రోదనలు మిన్నంటాయి. మృతదేహాన్ని ప్రభుత్వ ఏరియా హాస్పిటల్ కు తరలించారు. యువకుడి మృతి పై కేసు నమోదు చేసి విచారణ చేస్తున్నట్లు ఎస్సై తెలిపారు.