అనుమానస్పద స్థితిలో వ్యక్తి మృతి

దిశ, రేవల్లి: వనపర్తి జిల్లా రేవల్లి మండల పరిధిలోని గొల్లపల్లి గ్రామంలో వ్యక్తి మృతదేహం లభ్యమైన ఘటన శుక్రవారం ఉదయం చోటుచేసుకుంది. స్థానికులు తెలిపిన వివరాల ప్రకారం..గ్రామానికి చెందిన బంకల ఎల్ల స్వామి(45) గురువారం ఇంట్లో నుంచి వెళ్లి..శుక్రవారం గ్రామం చివరలోని వ్యవసాయ బావిలో అనుమానాస్పదంగా శివమై తేలాడు. మృతుడి భార్య రాజమ్మ ఫిర్యాదు మేరకు స్థానిక పోలీసులు కేసు నమోదు చేసుకుని దర్యాప్తు చేస్తుండగా గ్రామంలో వ్యక్తి శవం లభ్యం అవ్వడం చర్చనీయంగా మారింది. ఎలా జరిగింది..? అనేది వివరాలు తెలియాల్సి ఉంది.