సోమశిలలో ఘనంగా కోటిదీపోత్సవం

దిశ, కొల్లాపూర్: పురాతన పుణ్య క్షేత్రమైన సోమశిలలో ఘనంగా కోటిదీపోత్సవం నిర్వహించారు.  శ్రీ లలిత సోమేశ్వర స్వామి ఆలయం ప్రాంగణంలో కార్తీక పౌర్ణమి సందర్భంగా..శుక్రవారం రాత్రి కోటి దీపోత్సవం కార్యక్రమం ఎంతో వైభవోపేతంగా జరిగింది.  కొల్లాపూర్ ఆర్యవైశ్య సంఘం ఆధ్వర్యంలో కార్యక్రమ నిర్వాహకులు శివ నారాయణ శెట్టి నేతృత్వంలో.. కోటి దీపోత్సవం కార్యక్రమానికి ఆర్యవైశ్య దంపతులు తరలివచ్చారు. మొదట శివ పార్వతుల ఉత్సవ విగ్రహాలను అర్చకులు రాఘవేంద్ర చార్యులు వేదమంత్రోచరణలతో గణపతి పూజ, బిల్వర్చన భక్తిశ్రద్ధలతో నిర్వహించారు. ఈ సందర్భంగా శ్రీ లలిత సోమేశ్వర ఆలయం శివనామ స్మరణలతో మారు మ్రోగింది. ఈ కార్యక్రమంలో ఆర్యవైశ్య సంఘం అధ్యక్షులు ఆకుతోట శేషయ్య శెట్టి, సంఘం నాయకులు గుంత బాలయ్య కిషోర్, పట్టణ మాజీ ఉపసర్పంచ్ రామిశెట్టి తదితరులు పాల్గొన్నారు.