తెలంగాణ ప్రజలకు కేటీఆర్ కీలక పిలుపు

దిశ, వెబ్‌డెస్క్: తెలంగాణ ప్రజలు, బీఆర్ఎస్(BRS) శ్రేణులకు ఆ పార్టీ వర్కింగ్ ప్రెసిడెంట్, మాజీ మంత్రి కేటీఆర్(KTR) కీలక పిలుపు ఇచ్చారు. ఈ మేరకు సోమవారం ఒక ప్రకటన విడుదల చేశారు. సచివాలయం(Secretariat) ఎదుట తెలంగాణ తల్లి విగ్రహం స్థానంలో రాజీవ్ గాంధీ(Rajiv Gandhi) విగ్రహాన్ని ఆవిష్కరించడానికి వ్యతిరేకంగా రేపు(బుధవారం) రాష్ట్ర వ్యాప్తంగా తెలంగాణ తల్లి విగ్రహాలకు పాలభిషేకాలు చేయాలని కోరారు. తెలంగాణ తల్లి కోసం కేటాయించిన స్థలంలో కేవలం రాజకీయ దురుద్దేశంతో రాజీవ్ గాంధీ విగ్రహాన్ని పెట్టి, తెలంగాణ తల్లిని అవమాన పరిచిన రేవంత్ రెడ్డి(Revanth Reddy) వైఖరిని ప్రతి ఒక్కరూ ఖండించాలని విజ్ఞప్తి చేశారు. తెలంగాణ ప్రజల మనోభావాలను దెబ్బతీసిన కాంగ్రెస్ పార్టీకి, రేవంత్ రెడ్డికి ప్రజలు తప్పకుండా బుద్ధి చెబుతారని అన్నారు. తెలంగాణ సెంటిమెంట్‌తో పెట్టుకున్నోళ్లెవరూ రాజకీయాల్లో బతికి బట్టకట్టలేరన్న విషయం రేవంత్ రెడ్డి గుర్తుంచుకోవాలని కేసీఆర్ హితవు పలికారు.