కర్ణాటక సీఎం వ్యాఖ్యలకు కేటీఆర్ మరో స్ట్రాంగ్ కౌంటర్

దిశ,వెబ్‌డెస్క్ : ఎన్నికల ముందు నుంచి బీఆర్ఎస్, కాంగ్రెస్ పార్టీల మధ్య ట్విట్టర్ వార్ నడుస్తూ వస్తుంది. తాజాగా మాజీ మంత్రి కేటీఆర్ చేసిన ఓ ట్వీట్ రెండు పార్టీల మధ్య మాటల యుద్ధానికి దారి తీసింది. అయితే కర్ణాటక సీఎం సిద్ధరామయ్యకు తెలంగాణ ఎమ్మెల్యే కేటీఆర్ ట్విట్టర్ వేదికగా మరో కౌంటర్ ఇచ్చారు. "తెలంగాణలో మీ పార్టీ ఫేక్ హామీలతో ప్రజలను మోసం చేసినందుకే మేము ఎన్నికల్లో ఓడిపోయాం. రూ.500 గ్యాస్ సిలిండర్, రూ.4,000 పెన్షన్ హామీలను డిసెంబర్ 9న అమలు చేస్తామన్న మీ పార్టీ.. వాటిని అమలు చేయలేదు. మీ హామీలు బూటకమా.. మీ వాగ్దానాలు బూటకమా?” అని ప్రశ్నించారు. ప్రస్తుతం ఈ ట్వీట్ రెండు పార్టీల మధ్య చర్చకు దారి తీసింది. ఇరు పార్టీల నేతలు రీట్వీట్లతో మోత మోగిస్తున్నారు.