బ్రేకింగ్: బీజేపీ అభ్యర్థుల తుది జాబితా విడుదలపై కిషన్ రెడ్డి కీలక ప్రకటన

దిశ, వెబ్‌డెస్క్: బీజేపీ అభ్యర్థుల తుది జాబితాపై కేంద్రమంత్రి, తెలంగాణ బీజేపీ చీఫ్ కిషన్ రెడ్డి కీలక ప్రకటన చేశారు. ఇప్పటికే తెలంగాణ అసెంబ్లీ ఎన్నికల్లో బీజేపీ తరుఫున పోటీ చేసే అభ్యర్థుల మూడు జాబితాలను విడుదల చేశామని.. మిగిలిన స్థానాల క్యాండిడేట్ల పేర్లను ఇవాళ రాత్రి వరకు ప్రకటిస్తామని చెప్పారు. అలాగే, ఈ నెల 12వ తేదీన బీజేపీ మేనిఫెస్టో విడుదల చేస్తామని ప్రకటించారు. కాగా, అసెంబ్లీ ఎన్నికల్లో పోటీ చేసే అభ్యర్థుల మూడు లిస్ట్‌లను బీజేపీ ప్రకటించిన విషయం తెలిసిందే. ఫస్ట్ లిస్ట్‌లో 52 మంది, సెకండ్ లిస్ట్‌లో కేవలం ఒకే అభ్యర్థి పేరు, 35 మందితో థర్డ్ లిస్ట్‌ను బీజేపీ విడుదల చేసింది. మొత్తం 119 అసెంబ్లీ స్థానాలకు గానూ బీజేపీ మూడు విడతల్లో 88 మంది పేర్లను ప్రకటించింది. మిగిలిన 31 స్థానాల అభ్యర్థుల పేర్లను ఇవాళ రాత్రి ప్రకటించనున్నట్లు కిషన్ రెడ్డి వెల్లడించారు.