ఆత్మహత్యకు వ్యక్తి ప్రయత్నం.. కాపాడిన జర్నలిస్టులు..

దిశ, భద్రాచలం : భద్రాచలం గోదావరి వంతెన పై నుంచి దూకి ఆత్మహత్యకు ప్రయత్నించిన ఒక వ్యక్తిని అటుగా వస్తున్న జర్నలిస్టులు కాపాడారు. బూర్గంపహాడ్ మండలానికి చెందిన రిపోర్టర్స్ అబ్దుల్ ఘని, జాకీర్ లు భద్రాచలం వస్తుండగా ఒక యువకుడు వంతెన పై కూర్చుని గోదావరిలోకి దూకి ఆత్మహత్యకు ప్రయత్నం చేస్తుండటం చూశారు. అతనిని చాలా సేపు వారించడానికి చూసినా వినకుండా దగ్గరకు వస్తే దూకేస్తా అని బెదిరించాడు. ఇంతలో అటునుండి ద్విచక్ర వాహనం పై వస్తున్న మరో వ్యక్తి బండి ఆపి వెనకనుండి గట్టిగా పట్టుకుని కిందకు లాగడంతో ప్రమాదం తప్పింది. ఆత్మహత్యకు పాల్పడిన వ్యక్తి వివరాలు తెలియాల్సి ఉంది.