కరీంనగర్ లో వీఆర్ఏల సంబరాలు.. స్వీట్ల పంపిణి

దిశ, కరీంనగర్ టౌన్ : ప్రభుత్వ ఉద్యోగులకు స్వర్గధామంగా మారిన తెలంగాణలో కాంట్రాక్టు ఉద్యోగులను సైతం రెగ్యులరైజ్ చేస్తూ దేశానికే మార్గదర్శకంగా తెలంగాణ నిలుస్తుంది. మొన్నటి విద్యుత్ ఉద్యోగులు, నిన్నటి కాంట్రాక్టు లెక్చరర్ల తర్వాత నేడు వీఆర్ఏలను ప్రభుత్వం రెగ్యులరైజ్ చేసిన విషయం తెలిసిందే. ఈ సందర్భాన్ని పురస్కరించుకొని వీఆర్ఏలు రాష్ట్ర మంత్రి గంగుల కమలాకర్ ను కరీంనగర్ లో ఘనంగా సన్మానించి కృతజ్ఞతలు తెలియజేశారు. సీఎం కేసీఆర్ నిర్ణయంతో రాష్ట్రవ్యాప్తంగా 23,000 మంది, కరీంనగర్ జిల్లాలో 700 మంది వీఆర్ఏలు లబ్ది పొందుతున్నారు.

ఈ కార్యక్రమంలో కరీంనగర్ జిల్లా జేఏసీ నలువాల మల్లేశం, చైర్మన్ కిన్నెర కొమరయ్య, జనరల్ సెక్రెటరీ చెట్టి రవి, ట్రెజరర్ పూరెల్ల మధు, కన్వీనర్ నలువాల సాయి కిషోర్, కో-కన్వీనర్ ట్రెసా యూనియన్ రాష్ట్ర అసోసియేట్ అధ్యక్షులు పడిగెల రాజ్ కుమార్, కరీంనగర్ జిల్లా ట్రెస్సా అధ్యక్షులు నల్లా వెంకటరెడ్డి, ట్రెస్సా జనరల్ సెక్రెటరీ విజయ్, కరీంనగర్ అర్బన్, రూరల్ తహసీల్దార్లు సుధాకర్, నారాయణ తదితరులు ఉన్నారు.