ఉరేసుకుని విద్యార్థి ఆత్మహత్య..

దిశ, కోనరావుపేట : అనారోగ్య సమస్యలతో విద్యార్థి ఉరివేసుకొని ఆత్మహత్య చేసుకున్నాడు. కోనరావుపేట మండల కేంద్రంలోని సుద్దాల గ్రామానికి చెందిన అలువాల శ్రీనివాస్ - అంజవ్వ దంపతుల చిన్న కుమారుడు అలువాల వెంకటేష్(16) అనే విద్యార్థి ఇంట్లో ఉరి వేసుకొని ఆత్మహత్య చేసుకున్నాడు. కాగా మృతుడు సుద్దాల ప్రభుత్వ పాఠశాలలో 10వ తరగతి చదువుతున్నాడు.గతంలో కూడా వెంకటేష్ పలు కారణాల వలన ఆత్మహత్యకు ప్రయత్నించాడని స్థానికులు తెలిపారు.కొడుకు మృతితో బోరున విలపిస్తున్న కుటుంబ సభ్యుల రోదనలు మిన్నంటాయి.సంఘటన స్థలానికి చేరుకున్న ఎస్ఐ ప్రశాంత్ రెడ్డి కేసు నమోదు చేసి మృతదేహాన్ని పోస్టుమార్టం నిమిత్తం సిరిసిల్ల ఏరియా ప్రభుత్వ ఆసుపత్రికి తరలించారు.