రేపు మేడిగడ్డకు రాహుల్ రాక

దిశ, కాటారం : కాళేశ్వరం ఎత్తిపోతల పథకంలో భాగంగా ఉన్న మేడిగడ్డ బ్యారేజీ ని సందర్శించేందుకు కాంగ్రెస్ అగ్ర నేత రాహుల్ గాంధీ గురువారం రానున్నారు. 21వ తేదీన మేడిగడ్డ ప్రాజెక్టులో పిల్లలు కుంగి పోవడం, అన్నారం వద్ద ఉన్న సరస్వతి బ్యారేజ్ కు బుంగ పడి నీరు లీకేజీ అవుతుంది. ఈ రెండు సంఘటన నేపథ్యంలో తెలంగాణ రాష్ట్రంలో ఎన్నికల ప్రచారంలో పాల్గొంటున్న కాంగ్రెస్ అగ్రనేత రాహుల్ గాంధీ మేడిగడ్డ సందర్శనకు వస్తున్నట్లు తెలుస్తుంది. ఉదయం 9 గంటల నుంచి ఒంటి గంట వరకు అంబటిపల్లి గ్రామంలో సమావేశం నిర్వహించేందుకు మంథని ఎన్నికల అధికారి శంకర్ నాయక్ దగ్గర మహదేవపూర్ కాంగ్రెస్ మండల శాఖ అధ్యక్షుడు అక్బర్ ఖాన్ అనుమతి తీసుకున్నారు. ఏఐసీసీ అగ్ర నేత రాహుల్ గాంధీతో పాటు తెలంగాణ రాష్ట్ర కాంగ్రెస్ అధ్యక్షుడు రేవంత్ రెడ్డి మంథని సిట్టింగ్ ఎమ్మెల్యే ఏఐసీసీ కార్యదర్శి దుద్దిల్ల శ్రీధర్ బాబు ముఖ్య నేతలు పాల్గొననున్నారు.