Minister Ponnam's : రేపు సిరిసిల్లలో మంత్రి పొన్నం పర్యటన

దిశ, రాజన్న సిరిసిల్ల ప్రతినిధి : రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్ ప్రభుత్వ విప్, ఎమ్మెల్యే ఆది శ్రీనివాస్ తో కలిసి బుధవారం సిరిసిల్ల జిల్లాలో పర్యటించనున్నారు. ఉదయం 8:30 గంటలకు వేములవాడ శ్రీ రాజరాజేశ్వర స్వామి వారిని దర్శించుకుని, స్వామి వారికి ప్రత్యేక పూజలు నిర్వహించనున్నారు. అనంతరం పట్టణంలోని కెడిసిసి బ్యాంక్ శాఖను ప్రారంభిస్తారు. ఉదయం 10:45 గంటలకు జిల్లా కేంద్రంలో ఏర్పాటు చేసిన పలు కార్యక్రమాల్లో ప్రభుత్వ విప్ ఆది శ్రీనివాస్ తో పాటు కాంగ్రెస్ పార్టీ సిరిసిల్ల నియోజకవర్గ ఇంచార్జ్ కేకే మహేందర్ రెడ్డి తో కలిసి పాల్గొని, టెక్స్టైల్ పార్క్ ను సందర్శిస్తారు. తదనంతరం ముస్తాబాద్ మండల కేంద్రంలో స్థానిక కాంగ్రెస్ నాయకులు ఏర్పాటు చేసిన పలు కార్యక్రమాల్లో పాల్గొననున్నారు.