సిరిసిల్లలో సందడి చేసిన ‘క’ మూవీ యూనిట్

దిశ, రాజన్న సిరిసిల్ల ప్రతినిధి : సిరిసిల్లలో "క" సినిమా యూనిట్ సందడి చేసింది. "క" సినిమా విజయోత్సవాన్ని పురస్కరించుకొని ఆదివారం జిల్లా కేంద్రంలోని విమల్ థియేటర్ లో ఆ చిత్ర యూనిట్ సందడి చేసింది. అనంతరం చిత్ర యూనిట్ మాట్లాడుతూ దీపావళి పండుగ సందర్భంగా రిలీజ్ అయిన "క" సినిమా దీపావళి విన్నర్ గా సంచలనం సృష్టించిందన్నారు.

    సినిమాకు ప్రేక్షకుల నుండి మంచి ఆదరణ వచ్చిందని, నవంబర్ 22 నుండి దేశ వ్యాప్తంగా అన్ని భాషల్లో రిలీజ్ కానున్నట్లు తెలిపారు. సినిమాని ఇంతలా ఆదరిస్తున్న ప్రేక్షకులకు కృత్ఞతలు తెలియజేశారు. ప్రతి సన్నివేశాన్ని కళ్లకు కట్టినట్టుగా చిత్రీకరించి సినిమాను తీయడం జరిగిందని, ప్రతి ఒక్కరూ సినిమాను వీక్షించి మరింత విజయం అందించాలని కోరారు. కార్యక్రమంలో డైరెక్టర్లు సందీప్, సుదీప్ డిఓపి సతీష్ రెడ్డి, నటుడు చిత్తూరు తేజ, థియేటర్ మేనేజర్ రవి తదితరులు పాల్గొన్నారు.