తాగుబోతులకు అడ్డాగా మారిన క్రీడా ప్రాంగణం

దిశ, మెట్ పల్లి : జగిత్యాల జిల్లా మెట్ పల్లి (12 వార్డ్ )టీచర్స్ కాలనీ లో ఉన్న తెలంగాణ పట్టణ క్రీడా ప్రాంగణం ఇప్పుడు తాగుబోతులకు అడ్డాగా మారింది.చీకటైతే చాలు తాగుబోతులు అడ్డగా ఏర్పరుచుకొని రాత్రి పగలు తేడా లేకుండా మద్యం సేవిస్తూ బీరు సీసాలను పగలగొట్టి శునకానందం పొందుతున్నారు. అయితే అర్ధరాత్రి వరకు తాగుతూ పుట్టినరోజులు వేడుకలు జరుపుకుంటూ అల్లర్లు సృష్టిస్తున్నారని ఇప్పటికే ఆ కాలనీలో దొంగల భయం ఎక్కువ ఉండడంతో మరింత భయాందోళనకు గురవుతున్నామని కాలనీవాసులు వాపోతున్నారు. ఉన్నతాధికారులు చర్యలు తీసుకొని తాగుబోతులను భరతం పట్టి అరికట్టాలని కాలనీ వాసులు వేడుకుంటున్నారు.