సీఎం పదవిపై మోజు లేదు.. ఎంపీ బండి సంజయ్ సంచలన వ్యాఖ్యలు

దిశ, వెబ్‌డెస్క్: సీఎం పదవిపై బీజేపీ జాతీయ ప్రధాన కార్యదర్శి, ఎంపీ బండి సంజయ్ సంచలన వ్యాఖ్యలు చేశారు. ఆదివారం ఆయన మీడియాతో మాట్లాడుతూ.. సీఎం అభ్యర్థి ఎవరు అనేది ముందే ప్రకటించే సంప్రదాయం బీజేపీలో లేదని అన్నారు. తెలంగాణలో బీజేపీ అధికారంలోకి వస్తే బీసీ వ్యక్తినే సీఎం చేస్తామన్న అమిత్ షా కామెంట్స్‌పై ఆయన స్పందించారు. సీఎం పదవిపై తనకు మోజు లేదని తేల్చి చెప్పారు. ఒకరు ఇద్దరు చెప్పినంత మాత్రాన నేను సీఎంను కాలేనని అన్నారు. తెలంగాణలో బీజేపీ అధికారంలోకి వస్తే మాత్రం బీసీ సామాజిక వర్గానికి చెందిన వ్యక్తినే సీఎం చేస్తామని బండి మరోసారి స్పష్టం చేశారు. ఇక, కరీంనగర్ బీజేపీ అభ్యర్థిగా రేపు నామినేషన్ వేస్తున్నట్లు బండి ప్రకటించారు.