ఆ ఎంపీ స్థానం మనం కచ్చితంగా గెలుస్తాం: కేటీఆర్

దిశ, వెబ్‌డెస్క్: లోక్‌సభ ఎన్నికల వేళ మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ ఆసక్తికర వ్యాఖ్యలు చేశారు. ఆదివారం హైదరాబాద్‌లోని తెలంగాణ భవన్‌లో లోక్‌సభ ఎన్నికల సన్నాహక సమావేశం నిర్వహించారు. ఈ సందర్భంగా పార్టీ శ్రేణులను ఉద్దేశించి కేటీఆర్ మాట్లాడారు. జహీరాబాద్ పార్లమెంట్‌ సీటును మనం తప్పకుండా గెలుస్తామని ధీమా వ్యక్తం చేశారు. అసెంబ్లీ ఎన్నికల మాదిరి కాకుండా పార్లమెంట్‌ ఎన్నికల్లో త్రిముఖ పోటీ ఉంటుందని అభిప్రాయపడ్డారు. ఈ మూడు ముక్కలాటలో బీఆర్ఎస్‌కే అనుకూల పరిస్థితి ఉంటుందని చెప్పారు.

కాంగ్రెస్ ఎమ్మెల్యేలకు అప్పుడే గ్రామాల్లో నిరసన సెగలు మొదలయ్యాయని హాట్ కామెంట్స్ చేశారు. కాంగ్రెస్ ప్రభుత్వం అనేక తిరోగమన చర్యలకు పాల్పుడుతోందని అన్నారు. బీఆర్ఎస్ హయాంలో తీసుకొచ్చిన అద్భుతమైన సంక్షేమ పథకాలను కాంగ్రెస్ ప్రభుత్వం రద్దు చేస్తోందని చెప్పారు. దీంతో గ్రామాల్లో కాంగ్రెస్ ఎమ్మెల్యేలకు నిరసన సెగలు తగులుతున్నాయని అన్నారు. కాంగ్రెస్‌ ప్రభుత్వం నెల రోజుల్లోనే అప్రతిష్ట మూటగట్టుకోవడానికి కారణం అదే అని తెలిపారు.